Լավրովը եւ Քերին օգոստոսի 5-ին Քուալա Լումպուրում կքննարկեն Ուկրաինայի իրադրությունը
11:00, 4 Օգոստոս 2015
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովը եւ ԱՄՆ-ի պետքարտուղար Ջոն Քերին օգոստոսի 5-ին Քուալա Լումպուրում հանդիպում կանցկացնեն ԱՍԵԱՆ-ի միջոցառումների շրջանակներում: Այդ մասին, ինչպես տեղեկացնում է «Արմենպրես»-ը, ՏԱՍՍ-ին հայտնել է Ռուսաստանի պատվիրակության անդամը:
«Օգոստոսի 5-ին պլանավորված է Ռուսաստանի եւ ԱՄՆ-ի արտաքին քաղաքական գերատեսչությունների ղեկավարների հանդիպումը: Դրա շրջանակներում, ի թիվս այլ հարցերի, ծրագրվում է քննարկել նաեւ Ուկրաինայի իրադրությունը»,- տեղեկացրել է գործակալության զրուցակիցը:
Լավրովը եւ Քերին օգոստոսի 3-ին արդեն հանդիպել են Քատարում, որտեղ քննարկել են Սիրիայի իրադրությունը «Իսլամական պետության» դեմ պայքարի համատեքստում:
Բաժանորդագրվեք մեր ալիքին Telegram-ում