Երևանի արվարձանի ռեստորաններից մեկում թունավորված բոլոր անձինք ապաքինվել են
10:52, 4 Օգոստոս 2015
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: ՀՀ առողջապահության նախարարությունից տեղեկացնում են, որ օգոստոսի 1-ի լույս 2-ի գիշերը Երևանի արվարձանում գտնվող ռեստորաններից մեկում կազմակերպված խնջույքի ժամանակ սուր սննդային թունավորման ենթարկված բոլոր հիվանդներն ապաքինվել են և դուրս գրվել։ Ինչպես հաղորդում է «Արմենպրես»-ը` թունավորման հետևանքով հոսպիտալացվել էր 33 անձ, որից 19-ը` «Սուրբ Գրգոր Լուսավորիչ» բժշկական կենտրոն, 11-ը` «Նորք» ինֆեկցիոն հիվանդանոց և 3-ը` Մասիսի բժշկական կենտրոն։
Սննդի անվտանգության պետական ծառայության աշխատակիցների մասնակցությամբ ռեստորանում նմուշառումներ են իրականացվել սննդի մնացորդներից: Նմուշառումներ են իրականացվել նաև ջրից և հիվանդների կենսաբանական նյութերից:
Բաժանորդագրվեք մեր ալիքին Telegram-ում