Մովսիսյանի գոլը հաղթանակ պարգևեց «Սպարտակ»-ին
21:59, 3 Օգոստոս 2015
ՄՈՍԿՎԱ, 3 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի Պրեմիեր լիգայի երրորդ տուրում Մոսկվայի «Սպարտակ»-ը սեփական հարկի տակ Հայաստանի ազգային հավաքականի հարձակվող Յուրա Մովսիսյանի գոլի շնորհիվ առավելության հասավ «Ռուբին»-ի նկատմամբ: Ինչպես հաղորդում է «Արմենպրես»-ը` հանդիպումն ավարտվեց 1:0 հաշվով:
Յուրա Մովսիսյանը խաղադաշտ դուրս եկավ «Սպարտակ»-ի մեկնարկային կազմում և փոխարինվեց 62-րդ րոպեին: ՀՀ ընտրանու հարձակվողը գոլով աչքի ընկավ փոխարինվելուց երկու րոպե առաջ` Զե Լուիշի փորանցումից հետո: Նոր մրցաշրջանում սա Մովսիսյանի երկրորդ գոլն է: Նախորդ խաղում ևս «Սպարտակ»-ը հաղթանակ էր տարել մեր ընտրանու հարձակվողի գոլի արդյունքում:
Հայաստանի հավաքականի կիսապաշտպան Արաս Օզբիլիսը մնաց սպարտակցիների պահեստայինների նստարանին:
Բաժանորդագրվեք մեր ալիքին Telegram-ում