ՊՈԶՆԱՆ, 3 ՕԳՈՍՏՈՍԻ, ԱՐՄԵՆՊՐԵՍ: Լեհաստանի Պոզնան քաղաքում օգոստոսի 2 ից 9-ն ընթացող համալսարանական թիմերի ֆուտզալի Եվրոպայի հոբելյանական՝ 10-րդ առաջնությանը մասնակցող Հայաստանի պետական տնտեսագիտական համալսարանի (ՀՊՏՀ) թիմն օգոստոսի 3-ին իր ուժերն է չափել Ֆրասիայի Լիոն քաղաքի համալսարանի թիմի հետ: Պոզնանի Ադամ Միցկիևիչի անվան համալսարանի մարզադահլիճում անցկացվող խաղում գրանցվել է մարտական ոչ ոքի՝ 3:3: Մեր թիմի կազմում դուբլի հեղինակ է դարձել Անդրանիկ Կարապետյանը, մեկ գնդակ խփել է Հակոբ Դոքմանյանը:

Օգոստոսի 1 ին տեղի ունեցած վիճակահանության արդյունքում ՀՊՏՀ ի թիմը հայտնվել է E խմբում, որտեղ ընդգրկված են նաև «Տեխնիոնը»՝ Իսրայելի տեխնոլոգիական ինստիտուտի, Ֆրանսիայի Լիոն քաղաքի Կլաուդ Բեռնարդի անվան ևԱնգլիան ներկայացնող Բրունելի համալսարանների թիմերը: Ընդհանուր առմամբ ներկայացված են 14 երկրների 22 թիմեր: Հայկական պատվիրակությունը, որի կազմում են 12 մարզիկներ, թիմի գլխավոր մարզիչ Կարեն Միքայելյանը, թիմի բժիշկը ևհամալսարանի պռորեկտոր Սևակ Խաչատրյանը, գլխավորում է Հայաստանի ուսանողական մարզական ֆեդերացիայի նախագահության անդամ, ՀՊՏՀ-ի ֆիզդաստիարակության, արտակարգ իրավիճակների և քաղպաշտպանության ամբիոնի վարիչ, մանկավարժական գիտությունների թեկածու Հովհաննսես Գաբրիելյանը: