Ադրբեջանում աճել է աղետների թիվը
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Այս տարվա առաջին կիսամյակում Ադրբեջանում գրանցվել է պայթյունի 20 դեպք, ինչը մեկ դեպքով ավելի է, քան անցյալ տարվա նույն ժամանակահատվածում:
Այս մասին, ինչպես հաղորդում է «Արմենպրես»-ը, հայտնում են ադրբեջանական ԶԼՄ-ները` հղում կատարելով երկրի Արտակարգ իրավիճակների նախարարության հրապարակած վիճակագրությանը:
Ընթացիկ տարում Ադրբեջանում գրանցվել են 5488 հրդեհներ, որոնց արդյունքում մահացել է 43 մարդ, իսկ 1054 մարդ տարբեր վնասվածքներ եւ այրվածքներ է ստացել: Անցյալ տարվա նույն ժամանակահատվածի համեմատ` զոհվածների թիվը 12 մարդով, վիրավորները` 45 մարդով ավելին է:
Ընդհանուր առմամբ` այս տարվա սկզբից Ադրբեջանում տեղի են ունեցել 5581 բնական եւ տեխնածին պատահարներ, ինչը 736 դեպքով անցյալ տարվանից ավելին է:
Այդ պատահարների ժամանակ զոհվել է 48, վիրավորվել՝ 125 մարդ: Փրկարարներին հաջողվել է փրկել 76 մարդու, եւս 517-ին` տարհանել:
Բաժանորդագրվեք մեր ալիքին Telegram-ում