Գայլերի հարձակումների հետագա կանխարգելումը պահանջում է գիտական մոտեցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Գայլերի հարձակումների հետագա կանխարգելումը պահանջում է գիտական մոտեցում, որպեսզի պարզվի գայլերի պոպուլյացիայի թիվը և պատճառը, որ դրդում է նրանց նույնիսկ ամռանը հարձակումներ կատարել մանր եղջրավոր կենդանիների վրա. Հայաստանում առավել քան 15 տարի չի կատարվել գայլերի տեղաշարժի և քանակության մոնիթորինգ: Այս մասին հուլիսի 29-ին լրագրողների հետ հանդիպմանը նշեց «Էկոքդաշինք»-ի համակարգող Սիլվա Ադամյանը:
«Երեք տարի առաջ մենք զգուշացնում էինք կառավարությանը, որ զուտ գայլերի սպանդով խնդիրը չի լուծվի, և որ նման գործելավոճը արդյունք չի տա, ինչն այսօր ակնառու է: Խնդրի լուծման հետ կապված՝ մենք առաաջարկում ենք գումարներ հատկացնել գյուղական տնտեսությունները զարգացնելու և ամրացնելու, գյուղացիներին գամփռ շների տրամադրման, գյուղատնտեսական հանդերում «էլեկտրոնային հովիվների ներդրման համար», - ասաց բնապահպանը:
Բնապահպանը նշեց, որ գայլերի անդադար սպանդի արդյունքում Մեծ Բրիտանիայում, Գերմանիայում և եվրոպական այլ որոշ երկրներում գայլերն իսպառ վերացե են, իսկ գայլերի հարձակումների հետ կապված խնդիրը արդիական է ՌԴ-ում. այնտեղ գայլերի հարձակման դրանց ոչնչացնելուց բացի, միջոցառումներ են իրականացվում այդ հարձակումները կանխելու նպատակով:
«Գայլերի հարձակումների հաճախացումը, ներառյալ ամառային շրջանում, կապված է նրանց ապրելավայրերի կորստի և սննդի աղբյուր հանդիսացող կենդանիների սակավության հետ, ինչը որսի արդյունք է», - նկատեց Սիլվա Ադամյանը:
Բաժանորդագրվեք մեր ալիքին Telegram-ում