Սիրիական բանակը վերահսկողություն է սահմանել Թադմուրի մերձակայքում գտնվող նավթատարի վրա
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Սիրիական բանակը հնագույն Թադմուր քաղաքի մերձակայքում իրականացված ռազմական գործողությունների ընթացքում վերահսկողություն է հաստատել նավթատարի վրա: Այն տեղակայված է Թադմուրի օազիսից 20 կմ դեպի հյուսիս-արևմուտք և գտնվում էր «Իսլամական պետության» ձեռքում: Ինչպես հաղորդում է «Արմենպրես»-ը` վկայակոչելով ՏԱՍՍ գործակալությունը, սիրիական օդուժը ռմբակոծություններ է իրականացրել միջնադարյան Ֆահր ադ Դի ամրոցի մերձակայքում ապստամբների ուղղությամբ: Ահաբեկիչները վնասներ են կրել թե’ իրենց մարդկային ուժերում, թե’ տեխնիկայում:
Բախումները շարունակվում էն Թադմուրից 1-3կմ հեռավորության վրա: Ռմբակոծությունից քաղաքի ներսում ապստամբների մի քանի հենակետեր են ոչնչացվել:
ԻՊ-ն կորուստներ է կրել Ջաբբամ Համադ և Սաբաա ալ Միլլա գյուղերում, կանխվել է Հոմսի նահանգում գտնվող օդանվակայանին մոտենալու նրանց փորձը:
ԻՊ-ն Թադմուր քաղաքը գրավել էր մայիսի 21-ին սիրիական բանակի նահանջելուց հետո:
Պալմիրայի` բաց երկնքի տակ թանգարան համարվող ավերակները, որոնք ձգվում են շուրջ երեք կիլոմետր, ներառված են ՅՈՒՆԵՍԿՕ-ի համաշխարհային ժառանգության ցանկում: Այն գտնվում է Սիրիայի մայրաքաղաք Դամասկոսից 204 կմ հեռավորությամբ:
Հնությունների և թանգարանների վարչության պետ Մաամուն Աբդ ալ Քերիմն ավելի վաղ դիմել էր Սիրիայի օդային ուժերին և միջազգային հանրությանը` կոչ անելով պահպանել «սիրիական անապատի մարգարիտը»:
Բաժանորդագրվեք մեր ալիքին Telegram-ում