Ռուսաստանն արգելել է Բելառուսի տարածքով լեհական հատապտուղների արտահանումը Ղազախստան
ՄՈՍԿՎԱ, 28 ՀՈՒԼԻՍԻ, ԱՐՄԵՆՊՐԵՍ: Ռուսաստանի ¸աշնության անասնաբուժական և բուսասանիտարական վերահսկողության ծառայության մասնագետներն արգելել են է Բելառուսի տարածքով մոտ 37 տոննա լեհական հատապտուղների արտահանումը Ղազախստան: Ինչպես հաղորդում է «Արմենպրես»-ը` վկայակոչելով ՏԱՍՍ գործակալությունը, այս մասին նշվում է ծառայության տարածած հաղորդագրությունում:
36,3 տոննա ընդհանուր քաշով բալի և 1,04 տոննա քաշով հապալասի բեռը փորձել են անկցացնել Պսկովյան շրջանի մաքսակետով: Բեռը ետ է վերադարձվել Բելառուս, քանի որ Լեհաստանն այն երկրների ցանկում է, որոնց նկատմամբ Ռուսաստանն էմբարգո է սահմանել:
«Արգելքի համար պատճառ են ծառայել Ռուսաստանի կողմից սննդի էմբարգոյին ենթակա բուսական արտադրանքի հանդեպ ներդրված ժամանակավոր սահմանափակումները»,- նշել է ծառայությունը:
Բաժանորդագրվեք մեր ալիքին Telegram-ում