Թուրքիայում ահաբեկիչները հարձակվել են ժանդարմերիայի վրա
17:36, 28 Հուլիս 2015
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Թուրքիայի Բինգյոլ (Բյուրակն) շրջանում անհայտ անձինք հարձակում են գործել թուրքական ժանդարմերիայի բաժանմունքի հրամանատարության վրա: Ինչպես հաղորդում է «Արմենպրես»-ը, այս մասին տեղեկացնում է թուրքական «Միլլիեթ» պարբերականը:
Ահաբեկիչների և թուրք զինվորների միջև կրակահերթ է սկսվել, ինչից հետո զինված անձինք դեպքի վայրից կարողացել են փախչել: Կատարվածի հետևանքող մարդկային զոհեր կամ վիրավորներ չեն գրանցվել:
Ահաբեկիչներին հայտնաբերելու և չեզոքացնելու նպատակով տարածաշրջանում լայնածավալ գործողություններ են սկսվել:
Բաժանորդագրվեք մեր ալիքին Telegram-ում