Միշել Պլատինին առաջիկա օրերին կառաջադրվի ՖԻՖԱ-ի նախագահի թեկնածուի պաշտոնում
11:26, 28 Հուլիս 2015
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Ֆուտբոլի եվրոպական միության նախագահ Միշել Պլատինին առաջիկա մի քանի օրերի ընթացքում պաշտոնապես կառաջադրի իր թեկնածությունը ՖԻՖԱ-ի նախագահի ընտրություններում:
«Արմենպրես»-ի հաղորդմամբ` այս մասին գրում է ֆրանսիական Lequipe-ը: Պլատինին կդառնա ՖԻՖԱ-ի նախագահի հիմնական հավակնորդը` հաշվի առնելով, որ ֆրանսիացին կստանա կոնֆեդերացիաների աջակցությունը:
Յոզեֆ Բլատերը 2015թ. մայիսի 29-ին կայացած ընտրությունների արդյունքներով վերընտրվել էր ՖԻՖԱ-ի նախագահի պաշտոնում: Սակայն 4 օր անց ՖԻՖԱ-ում կոռուպցիոն սկանդալի մասին խոսակցությունների համապատկերում նա հայտարարեց հրաժարականի մասին: ՖԻՖԱ-ն արդեն հաստատել է, որ նոր նախագահի ընտրությունը տեղի կունենա 2016թ. փետրվարի 26-ին:
Բաժանորդագրվեք մեր ալիքին Telegram-ում