Բռնցքամարտի Հայաստանի հավաքականը Եվրոպայի առաջնություն է մեկնում լավ արդյունքի ակնկալիքով
20:06, 27 Հուլիս 2015
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ: Բռնցքամարտի Հայաստանի հավաքականի ավագ Վլադիմիր Մարգարյանը լիահույս է բռնցքամարտի Եվրոպայի առաջնությունից առաջ: «Ամեն ինչ կարգին է մեզ մոտ, շատ լավ նախապատրաստվում ենք Եվրոպայի առաջնությանը: Նախապես ոչինչ ասել չեմ կարող: Դեռ ժամանակ ունենք ավելի լավ մարզավիճակ ձեռք բերելու համար: Եվրոպայի առաջնություն մեկնում ենք լավ արդյունքի ակնկալիքով: Պետք է կարողանանք վարկանիշ հավաքել` աշխարհի առաջնությանը մասնակցելու համար: Մեծ հույսով ենք մեկնում, ամեն ինչ ցույց կտա ռինգը»,- «Արմենպրես»-ի հաղորդմամբ, լրագրողների հետ ծաղկաձորյան հավաքի ժամանակ նշեց Վլադիմիր Մարգարյանը:
Եվրոպայի մեծահասակների առաջնությանը Հայաստանը կներկայանա ամբողջ կազմով` 10 բռնցքամարտիկներով:
Բաժանորդագրվեք մեր ալիքին Telegram-ում