Ալիևի դուստրը խորհրդարանական ընտրություններում կառաջադրի իր թեկնածությունը
16:07, 6 Հուլիս 2015
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևի դուստր, «Հեյդար Ալիևի հիմնադրամ»-ի փոխտնօրեն Լեյլա Ալիևան կառաջադրվի երկրում կայանալիք առաջիկա խորհրդարանական ընտրություններում:
Ալիևի դստեր թեկնածությունը 2015 թվականի նոյեմբերին կայանալիք ընտրություններում կառաջադրի իշխող «Յենի Ազերբայջան» կուսակցությունը: Ինչպես հաղորդում է «Արմենպրես»-ը, այս մասին modern.az-ին հայտնել է իշխող կուսակցության գլխավոր քարտուղարի տեղակալ Սիյավուշ Նովրուզովը: Նա տեղեկացրել է, որ Լեյլա Ալիևայի թեկնածության առաջադրման հարցում կուսակցության անդամները միակարծիք են:
Բաժանորդագրվեք մեր ալիքին Telegram-ում