Չիլիի ֆուտբոլի հավաքականը դարձավ «Կոպա Ամերիկա»-ի չեմպիոն
02:50, 5 Հուլիս 2015
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Ամերիկայի գավաթի խաղարկությունում, որն, ի դեպ, անցկացվում էր Չիլիում, հաղթող դարձավ հյուրընկալող երկիրը` Չիլի ֆուտբոլի ազգային ընտրանին:
«Կոպա Ամերիկա»-ի եզրափակչում մրցում էին Արգենտինայի և Չիլիի թիմերը: Թե առաջին խաղակեսում և թե երկրորդ կեսում թիմերը մի շարք հնարավորություններ ունեին խաղի հաշիվը բացելու, սակայն` անարդյունք: Նշանակված լրացուցիչ ժամանակում ևս դարպասի գրավում չարձանագրվեց և հետխաղյա 11 մետրանոցներում ավելի դիպուկ էին Չիլիի հավաքականի ֆուտբոլիստները: Արգենտինայի հավաքականի կազմում 11 մետրանոցից վրիպեցին Գոնսալու Իգուաինը և Էվեր Բանեգայը: 11 մետրանոց հարվածներն ավարտվեցին 4-1 հօգուտ Չիլիի:
Բաժանորդագրվեք մեր ալիքին Telegram-ում