Քաղաքապետարանն Արաբկիրում բնակվող սիրիահայ ընտանիքների համար ճանաչողական էքսկուրսիա է կազմակերպել
18:37, 4 Հուլիս 2015
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Երևանի քաղաքապետ Տարոն Մարգարյանի հոգածությամբ Արաբկիր վարչական շրջանում բնակվող մի խումբ սիրիահայ ընտանիքների համար կազմակերպվել է «Երևան` զգա ջերմությունը» խորագրով էքսկուրսիա` «Երևան Սիթի Տուր» քաղաքային պաշտոնական զբոսաշրջային ծրագրով:
Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, երթուղու ընթացքում ներկայացվել են մայրաքաղաքի պատմամշակութային հուշարձանների պատմությունն ու տեսարժան վայրերի համառոտ նկարագիրը:
Բաժանորդագրվեք մեր ալիքին Telegram-ում