Ադրբեջանական նավթը երկու դոլարով էժանացել է
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: Նավթի համաշխարհային գների սրընթաց անկման հետ շարունակում է նաեւ աշխարհում որակյալ համարվող ադրբեջանական նավթի էժանացումը:
Ինչպես հաղորդում է «Արմենպրես»-ն, ադրբեջանական ԶԼՄ-ները հայտնում են, որ այսօր 3,65 տոկոսով, կամ 2,32 դոլարով նվազել է նաեւ Սուպսայի, Բաթումի եւ Ջեյհանի նավահանգիստերով փոխադրվող եւ համաշխարհային շուկաներում իրացվող ադրբեջանական Azeri LT CIF տեսակի նավթը: Ներկայում Azeri LT CIF տեսակի նավթի մեկ բարելի գինը կազմում է 63,61 դոլար:
Azeri LT CIF տեսակի նավթի նվազգույն գին գրանցվել էր 2001 թվականի դեկտեմբերին (19,15 դոլար), առավելագույն գին` 2008 թվականի հուլիսին (149,66 դոլար):
Համաշխարհային շուկայում WTI (West Texas Intermediate) նավթի գինն ընկել է 2,48 տոկոսով, կամ 1,41 դոլարով եւ կազմել մեկ բարելի դիմաց 55,52 դոլար:
Brent տեսակի նավթի գինն ընկել է 2,82 տոկոսով կամ 1,75 դոլարով եւ մեկ բարելի դիմաց կազմել 60,32 դոլար:
Ադրբեջանի արտահանման 95 տոկոսը կազմում են գազը, նավթն ու նավթամթերքները, իսկ երկրի պետբյուջեն 75 տոկոսով ձեւավորվում է էներգակիրների արտահանումից ստացվող եկամուտների հաշվին:
Ադրբեջանի 2015 թվականի պետբյուջեում նավթի գինը մեկ բարելի համար նախատեսված է 90 դոլար: Ներկայում այն արդեն պետբյուջեում նախատեսվածից մոտ 36 դոլարով ցածր է:-
Բաժանորդագրվեք մեր ալիքին Telegram-ում