Զինյալները հրթիռակոծել են Իսրայելը Եգիպտոսի Սինա թերակղզու տարածքից
12:01, 4 Հուլիս 2015
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Անհայտ զինյալները Եգիպտոսի տարածքից՝ Սինա թերակղզուց, հրթիռակոծել են Իսրայելի տարածքը: Ինչպես տեղեկացնում է «Արմենպրես»-ը՝ վկայակոչելով ՏԱՍՍ-ը, նախնական տվյալներով հրթիռներն ընկել են հրեական պետության հարավի շրջաններում և տուժածներ չկան:
Հարձակման մասին հայտնի է դարձել Reuters լրատվական գործակալության՝ իսրայելական բանակում գտնվող աղբյուրի միջոցով:
Վերջին մի քանի օրերին Սինա թերակղզում կատաղի ռազմական բախումներ են տեղի ունենում եգիպտական բանակի և իսլամիստ ծայրահեղականների միջև:
Բաժանորդագրվեք մեր ալիքին Telegram-ում