Ֆուտբոլի Հայաստանի առաջնությանը կմասնակցի 8 թիմ
20:23, 3 Հուլիս 2015
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Հայաստանի ֆուտբոլի ֆեդերացիան հաստատել է «ՀՀ ակումբների միջեւ պրոֆեսիոնալ ֆուտբոլի 2015-2016թթ. մրցումների անցկացման կանոնակարգ»-ը: Ինչպես հաղորդում է «Արմենպրես»-ը՝ վկայակոչելով ՀՖՖ պաշտոնական կայքը, Հայաստանի 2015-2016թթ. Բարձրագույն խմբի առաջնությանը, որը կանցկացվի չորս շրջանով, կմասնակցի 8 թիմ:
Մասնակցող թիմերն են «Փյունիկ», «Ուլիս», «Շիրակ», «Ալաշկերտ», «Միկա», «Գանձասար-Կապան», «Բանանց» և «Արարատ»: Առաջնությունը կմեկնարկի օգոստոսի 1-ին:
Բաժանորդագրվեք մեր ալիքին Telegram-ում