ԱՄՆ-ը դեսպանատուն կբացի Հավանայում, Կուբան՝ Վաշինգտոնում
20:58, 1 Հուլիս 2015
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: ԱՄՆ-ը և Կուբան կվերաբացեն իրենց դեսպանատները, համապատասխանաբար, Հավանայում և Վաշինգթոնում: Ինչպես հաղորդում է «Արմենպրես»-ը, վկայակոչելով Sky News-ը, Հավանայում ԱՄՆ դեսպանատան բացումը ակնկալվում է իրականացնել հուլիսին:
Մոտ հիսուն տարի տևած սառը հարաբերությունների ջերմացումը մեկնարկեց 2014թ. վերջում: Երկու երկրների միջև հարաբերությունները սառեցված էին 1961թ.-ից, երբ ԱՄՆ-ն խզեց իր հարաբերությունները Կուբայի հետ և արգելեց այդ երկրի հետ առևտրային հարաբերությունները:
Այս տարի ապրիլին ԱՄՆ Նախագահ Բարաք Օբամայի հանդիպումը Կուբայի առաջնորդներից Ռաուլ Կաստրոյի հետ դարձավ երկու երկրների առաջնորդների առաջին դեմ առ դեմ հանդիպումը 1956թ.-ից ի վեր:
Բաժանորդագրվեք մեր ալիքին Telegram-ում