ԷՋՄԻԱԾԻՆ, 30 ՀՈՒՆԻՍԻ, ԱՐՄԵՆՊՐԵՍ: Մայր Աթոռ Ս. Էջմիածնում հուլիսի 1-4-ը տեղի կունենա Հայ Եկեղեցու երիտասարդաց միության (ՀԵԵՄ) պատգամավորական ժողովը: Ի՞նչ գործունեություն է ծավալում ՀԵԵՄ-ը Հայաստանում և սփյուռքում, արդյո՞ք այն նպաստելու է հայ երիտասարդների առջև ծառացած մարտահրավերների լուծմանը. այս և այլ հարցերի շուրջ «Արմենպրես»-ի հարցերին պատասխանեց ՀԵԵՄ հոգևոր պատասխանատու, ԱՄՆ Հայոց Արեւմտյան թեմի առաջնորդ Գերաշնորհ Տ. Հովնան արքեպիսկոպոս Տերտերյանը: Հարցազրույցը ներկայացնում ենք դասական ուղղագրությամբ:

-Սրբազան Հայր, դուք գլխավորում եք Հայ Եկեղեցու Երիտասարդաց Միությունը: Տարիներ առաջ ստեղծված, համաշխարհային ընդգրկում ունեցող այս կառույցի մասին կարծեք շատ քիչ է խոսվում: Ներկայումս ի՞նչ գործունեություն է ծավալում ՀԵԵՄ-ը Հայաստանում և Սփյուռքում և ո՞րն է կառույցի նպատակը:

-Հայ Եկեղեցւոյ երիտասարդաց միութիւն ունենալու Տիրան Արք. Ներսոյեանի տեսիլքը միշտ ալ խանդավառած է մեզի որպէս հոգեւոր հովիւ եւ առաջնորդ: Անցնող 35 տարիներուն ուր ալ որ կանչուեցանք ծառայելու, փորձեցինք կեանքի կոչել Ներսոյեան սրբազանին տեսիլքը՝ 1946-ին Ամերիկայի մէջ իր իսկ ստեղծած Հայ Եկեղցւոյ Երիտասարդաց Միութեան նախատիպը որպէս օրինակ ունենալով: Աշխարհի չորս ծագերէն հայ երիտասարդները եկեղեցւոյ յարկին տակ ի մի բերելու գաղափարը յղացանք 2001-ին, Քրիստոնէութեան որպէս պետական կրօն հռչակման 1700 ամեակի միջոցառումներու ընթացքին: Գարեգին Բ. Վեհափառ Հայրապետի օրհնութեամբ եւ լիակատար աջակցութեամբ անմիջապէս ձեռնամուխ եղանք այս նուրիական գործին՝ զանազան հանդիպումներ կազմակերպելով հայ երիտասարդութեան հետ:

Այսօր, 14 տարի ետք, հետադարձ հայեացք նետելով կրնանք իրաւամբ ըսել, որ եկեղեցւոյ հովանու ներքոյ համահայկական երիտասարդական կազմակերպութիւն ստեղծելու մեր տեսիլքը որոշապէս յաջողած է թէ՛ Հայաստանի եւ թէ՛ Սփիւռքի մէջ` ըլլայ ծխական կամ թեմական մակարդակով: Այսուհանդերձ, պէտք է ընդունիլ, որ նման ընդգրկում ունեցող կազմակերպութեան մը համար 14 տարին բաւարար ժամանակ չէ ինքնակազմակերպուելու տեսանկիւնէն: Մեր տեսիլքին ակնդէտ՝ մենք կը շարունակենք հետեւողական աշխատանքով համախմբել հայ երիտասարդները, կանոնակարգել կառոյցին վարչաժողովական կեանքը, յստակեցնել յառաջիկայ անելիքները եւ լրջօրէն մշակել հեռահար ծրագրեր: Ի վերջոյ, ՀԵԵՄ-ին նպատակը մէկն է՝ հասցնել գիտակից, պատրաստուած, Հայ Եկեղեցւոյ աւանդոյթներուն եւ ազգային արժէքներուն նախանձախնդիր սերունդ մը, որ իր հոգեւոր եւ բարոյական նկարագով նոր որակ պիտի հաղորդէ մեր ազգային, եկեղեցական կեանքին։

-Միության շրջանակներում ի՞նչ ծրագրեր են նախատեսվում առաջիկայում. տարածքային ի՞նչ ընդգրկում կունենան դրանք:

- Թեմական եւ ծխական մակարդակներով մեր մասնաճիւղերն ունին իրենց հաստատուած տարեկան ծրագրերն ու ժամանակացոյցը: ՀԵԵՄ-ի կեդրոնական գրասենեակը կը համակարգէ, եւ ի պահանջել հարկին՝ կ’աջակցէ տեղական մարմիններուն զանազան հարցերով:

Պատգամաւորական ժողովի օրերուն պիտի կազմակերպենք ուխտագնացութիւններ, հանդիպումներ եւ քննարկումներ: Նաեւ՝ միշտ կը քաջալերենք մասնաճիւղերու փոխադարձ այցելութիւնները, համատեղ ծրագրերու իրականացումը, շրջանային ժողովները տարւոյ ընթացքին:

Մենք ալ մեր կարգին պիտի շարունակենք այցելութիւնները Եւրոպայի, Մերձաւոր եւ Միջին Արեւլքի հայաշատ քաղաքները` քաջալերելու եւ եկեղեցւոյ շուրջ համախմբելու հայ երիտասարդները: Մեր փափաքն է, որ ՀԵԵՄ-ը դառնայ իրաւամբ համահայկական, համաշխարհային երիտասարդական շաժում մը: Գիտակից ենք, որ այսպիսի ընդգրկուն եւ լայնածաւալ առաքելութիւն մը մնայուն հոգածութեան եւ աշխատանքի կը կարօտնայ: Մենք այդ յանձնառութեամբ կը շարունակենք մեր ջանքերը՝ ժրաջանութեամբ, հետեւողականութեամբ եւ եռանդով:

-Առաջիկա ամսվա առաջին շաբաթում գումարվելու է ՀԵԵՄ հերթական պատգամավորական ժողովը: Ի՞նչ նպատակ է հետապնդում այս ժողովը և ի՞նչ խնդիրներ են դրված ժողովի առջև:

- 2015-ը խորհրդանշական տարի մըն է հայ ժողովուրդի համար: Այն մեկնարկուեցաւ Հայոց Ցեղասպանութեան 100 ամեակի ոգեկոչման միջոցառումներով, նոր իմաստ ստացաւ նահատակաց սրբադասումով եւ առաւել պիտի նշանաւորուի միւռոնօրհնէքով: Աշխարհի զանազան թեմերէն Մայր Աթոռ ժամանած երիտասարդները, նախեւառաջ, եկած են` այդ խորհուդին մերձօրէն հաղորդակից դառնալու, հոգեպէս վերանորոգուելու եւ իրենց հաւատարմութեան ուխտը վերահաստատելու: ՀԵԵՄ-ի նշանակութիւնը եւ կարեւորութիւնը մենք կը տեսնենք մեր ազգային եկեղեցական կեանքի վերանորգութեան եւ վերազարթօնքի մէջ. այնպէս ինչպէս նոր միւռոնը կը խառնուի հին միւռոնին, նոյն խորհուրդով մեր ազգը զարթօնք կ’ապրի եկեղեցասէր մեր երիտասարդներու աւիւնով, բարի գործերով, շինիչ նախաձեռնութիւններով եւ ապագայի վառ յոյսերով:

Ասկէ զատ, մենք պիտի քննարկենք ՀԵԵՄ-ի կանոնադրութեան լրամշակուած տարբերակը, որ պիտի դառնայ այս կազմակերպութեան վարչական-ժողովական կեանքի գլխաւոր ուղեցոյցը: Զեկոյցներ պիտի ներկայացնեն ՀԵԵՄ-ի մասնաճիւղերը իրենց գործունէութեանց մասին, պիտի քննարկենք ընդհանուր դժուարութիւններն ու տեղական խնդիրները, բայց առաւել կարեւոր՝ տեղի պիտի ունենայ փորձի փոխանակում, որպէսզի մանաւանդ նորաստեղծ երիտասարդական կառոյցներ օգտուին հիներու փորձառութենէ եւ որդեգրեն լաւագոյն ծրագրերն ու նախագիծերը, միշտ զանոնք հարմարեցնելով տեղական յատուկ պայմաններուն եւ պահանջներուն։

-Ժողովի ընթացքում հաստատվելու է ՀԵԵՄ ուղենշային նախագիծը. ի՞նչ է այն ենթադրում:

- ՀԵԵՄ-ի Ուղենշային Նախագիծը իր մէջ կ'ամփոփէ կազմակերպութեան տեսիլքը, գաղափարականը, համապարփակ ձեւով կը նախանշէ գործունէութեան ծիրը, յառաջիկայ անելիքները, մեր առաջնահերութիւններն ու ապագայի ակնկալիքները: Ուրիշ խօսքով՝ կանոնադրութիւնը միտուած է համակարգելու ՀԵԵՄ-ի վարչական կառույցը, ինչպէս որ անունն ինք կը յուշէ, իսկ Ուղենշային Նախագիծը կոչուած է մեզի ուղղորդելու, որպէսզի անշեղօրէն կարենանք կեանքի կոչել մեր առաքելութիւնը:

-Արդյո՞ք այս կառույցն ինչ-որ կերպ նպաստելու է հայ երիտասարդի առջև ծառացած մարտահրավերների (այդ թվում՝ հոգևոր-բարոյական) լուծմանը:

- Անտարակոյս։ ՀԵԵՄ-ը ինքնին մեծ ուժ է, քանի որ կը ներկայացնէ մեր եկեղեցւոյ զաւակները աշխարհի տարբեր կողմերէն: Անձնական շփումներու, բարեկամութեան եւ մտերմութեան շնորհիւ մեր երիտասարդները յարաբերութիւններ կը հաստատեն այլ երկիրներու մէջ ապրող եւ գործող իրենց տարեկիցներու հետ, որ գործնական առումով ինքնին հեռանկարային է: Համագործակցութիւնը, մէկ զմէկու օգնելը, գործնական կապեր հաստատելը, եւ ինչո՞ւ ոչ, հայ ընտանիքներ կազմելը առանցքային նպատակներ են ՀԵԵՄ-ի համար: Այսուհանդերձ, մեր գերխնդիրը կը մնայ նոր, գիտակից, պատրաստուած սերունդ հասցնելը: Երիտասարդութեան եւ եկեղեցւոյ կապը պէտք է որ հոգեւոր, գիտակցական եւ իմացական հիմքի վրայ ըլլայ, այլ ո՛չ՝ զգացական կամ աւանդութեան ուժի: Այսպէս միայն կրնանք պատրաստել վաղուան առաջնորդները, նախանձախնդիր պաշտպանները մեր ազգային եւ հոգեւոր արժէքներուն:

Մեր համատեղ աշխատանքին արդիւնքն արդէն յուսադրող է։ Իչպէս որ մշակ մը կը սպասէ հունձքին, մենք ալ որպէս եկեղեցի անհամբեր կը սպասենք` քաղելու բարի պտուղները մեր ջանքերուն:

Հարցազրույցը` Մարիամ  Ավետիսյանի