Թունիսի ահաբեկչության զոհերից 18 բրիտանիցներ են
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Թունիսի Սուս քաղաքում հունիսի 26-ին տեղի ունեցած ահաբեկչության հետևանքով Մեծ Բրիտանիայի 18 քաղաքացիներ են զոհվել: Ինչպես հաղորդում է «Արմենպրես»-ը` վկայակոչելով արաբական լրատվամիջոցները, այս մասին հայտարարել է Մեծ Բրիտանիայի ներքին գործերի նախարար Թերեզա Մեյը:
«Մենք հաստատում ենք, որ զոհվել են 18 բրիտանացիներ: Մենք չենք բացառում, որ զոհերի թիվը կարող է աճել, քանի որ վիրավորների թվում ևս բրիտանիացնիեր կան»,- նշել է նա:
Նա նաև տեղեկացրել է, որ հանդիպել է ողջ մնացածների հետ:
Ավելի վաղ տեղեկություններ էին ստացվել, որ Թունիսի ահաբեկչության զոհ են դարձել նվազագույնը 30 բրիտանացիներ: Հունիսի 26-ին ուրբաթօրյա աղոթքի ժամանակ Սուս քաղաքում ահաբեկիչը կրակ էր բացել լողափին հանգստացողների ուղղությամբ:
Արդյունքում 39 մարդ էր զոհել, տասնյակ մարդիկ վիրավորվել էին:
Տուժածների թվում նաև բելգիացիներ, գերմանացիներ, ֆրանսիացիներ ու ուկրաինացիներ կան:
Բաժանորդագրվեք մեր ալիքին Telegram-ում