Սաակաշվիլին ստացել է Ուկրաինայի քաղաքացիություն
ԿԻԵՎ, 30 ՄԱՅԻՍԻ, ԱՐՄԵՆՊՐԵՍ: Վրաստանի նախկին նախագահ Միխայիլ Սաակաշվիլին Ուկրիանայի քաղաքացիություն է ստացել: «Արմենպրես»-ի փոխանցմամբ՝ այդ մասին թվիթերյան իր միկրոբոլոգում գրել է ուկրաինացի պատգամավոր, Պետրո Պորոշենկոյի բլոկի անդամ Մուստաֆա Նայեմը: Նույն տեղեկատվությունն իր թվիթերյան էջում տեղադրել է նաև պատգամավոր Սերգեյ Լեշչենկոն: «Վրաստանի նախկին նախագահ Սաակաշվիլին ստացել է ուկրաինական քաղաքացիություն: Միշա, մենք նոր Բաթում ենք ցանկանում»,- գրել է Լեշչենկոն:
Հնարավոր է, որ մայիսի 30-ին Ուկրաինայի նախագահ Պորոշենկոն Սաակաշվիլիին ներկայացնի Օդեսայի նահանգապետի պաշտոնում: Այդ մասին լուրը դեռևս պաշտոնական հաստատում չի ստացել, սակայն հայտնի է, որ նրա թեկնածությունը ներկայացվել է կառավարության կողմից:
Սաակաշվիլին ներկա դրությամբ գլխավորում է Ուկրաինայի նախագահին կից բարեփոխումների միջազգային խորհուրդը:
Բաժանորդագրվեք մեր ալիքին Telegram-ում