ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Արգենտինական ֆուտբոլի լեգենդ Մարադոնան ՖԻՖԱ-ի նախագահի պաշտոնում Ժոզեֆ Բլատերի 5-րդ անգամ վերընտրությունից հետո հիշել է Բլատերի և Արգենտինայի ֆուտբոլի ֆեդերացիայի հանգուցյալ նախագահ Խուլիո Գորդոնի նախկին անօրինական գործարքները: Նրանք Բլատերի համար պաշտոնավարման շարունակականությունն ապահովել են ձայներ գնելու միջոցով: «Մենք չպետք է մոռանանք նաև Գորդոնին: Այժմ Հետաքննությունների դաշնային բյուրոն քննություն է վարում, սակայն մոռանալ Գորդոնի հետ կապված իրավիճակի մասին պետք չէ: Նա ձայներ էր գնում Բլատերի համար»,-«Արմենպրես»-ի հաղորդմամբ, Մարադոնային խոսքերը մեջբերում է արգենտինական մամուլը:

ՖԻՖԱ-ի նախագահի հետ կապված վերջին մի քանի ամիսների ընթացքում միջազգային ԶԼՄ-ները, հատկապես ամերիկյան մամուլը մեծ աղմուկ բարձրացրեցին` մեղադրելով նրան և կաշառատվության, և կաշառակերության մեջ: Լրատվականները պնդում են` Բլատերը և ՖԻՖԱ-ի մի քանի անդամները կաշառված են և վաճառել են 2018 և 2002 թվականների աշխարհի առաջնությունները Ռուսաստանում և Քաթարում անցկացնելու իրավունքները: Անցած մի քանի օրերին շվեյցարական ոստիկանությունը նույնիսկ ձերբակալել էր ՖԻՖԱ-ի աշխատակիցներին: