«Սպորտլանդիա-2015» մարզական միջոցառումն անցկացվել է Մարտունի քաղաքում
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: ՀՀ սպորտի և երիտասարդության հարցերի նախարարությունը ՀՀ Գեղարքունիքի մարզի Մարտունի քաղաքում մայիսի 27-ին անցկացրել է 5-6-րդ դասարանների աշակերտների միջև «Սպորտլանդիա-2015» մարզական միջոցառումը՝ նվիրված Հայրենական մեծ պատերազմի հաղթանակի 70-ամյակին:
Միջոցառման թեժ պայքարում հաղթողի կոչումը նվաճել է Մարտունու N 2 հիմնական դպրոցը, երկրորդ տեղը զբաղեցրել է Գավառի N 2 միջնակարգ դպրոցը, երրորդ տեղը` Սևանի N 1 հիմնական դպրոցը:
Միջոցառման հաղթող դպրոցները ՀՀ սպորտի և երիտասարդության հարցերի նախարարության ու Մարտունու քաղաքապետարանի կողմից պարգևատրվել են համապատասխան կարգի հավաստագրերով, իսկ Գեղարքունիքի մարզպետարանի կողմից՝ գավաթով և նվերներով: «Արմենպրես»-ի հաղորդմամբ, այս մասին տեղեկացնում է Սպորտի և երիտասարդության հարցերի նախարարությունը:
Բաժանորդագրվեք մեր ալիքին Telegram-ում