Օպերատիվ խումբը զենք-զինամթերք է հայտնաբերել Ադոնցի փողոցում
19:58, 28 Մայիս 2015
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: Ոստիկանության Երևան քաղաքի վարչության օպերատիվ կառավարման կենտրոն զանգահարած քաղաքացին մայիսի 27-ին, ժամը 11.10-ին հայտնել է, որ Ադոնցի փողոցի հոսպիտալի ցայտաղբյուրի մոտ ռազմամթերք է թողել: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, ոստիկանության Արաբկիրի բաժնի օպերատիվ խումբը նշված վայրից հայտնաբերել է նռնակի 5 պայթուցիչ, նռնակի 8 ձգան, 5.45 մմ տ/չ 62 փամփուշտ, տրոտիլային գլանաձև 3 պայթուցիչ, ինքնաձիգի 2 դատարկ պահունակ և ականանետի 4 մարտական գլխիկ:
Հայտնաբերվածն ուղարկվել է փորձաքննության: Կատարվում է հետաքննություն:
Բաժանորդագրվեք մեր ալիքին Telegram-ում