Սևանում և Գավառում գրանցվել է ուժեղ պտտահողմ
18:27, 28 Մայիս 2015
ԳԱՎԱՌ, 28 ՄԱՅԻՍԻ, ԱՐՄԵՆՊՐԵՍ: Գեղարքունիքի մարզի Գավառի և Սևանի տարածաշրջաններում մայիսի 28-ին, ժամը 15:30-16:00-ի սահմաններում ավերիչ ուժի պտտահողմ է գրանցվել: Ւնչպես «Արմենպրես»-ին տեղեկացրին Գեղարքունիքի մարզի ճգնաժամային կառավարման կենտրոնից, քամու արագությունը Սևանի տարածքում կազմել է 22, Գավառի տարածքում՝ 10-15 մետր/վայրկյանում:
Պտտահողմը վնասել է Սևանի մարզադպրոցի 240 քմ մակերեսով թիթեղապատ տանիքը՝ պոկելով և ցած շպրտելով այն: Ավելի քան 10-15 րոպե փոշու ամպը բարձրացել է բնակավայրերով մեկ: Այլ վնասների մասին առայժմ ճգնաժամային կենտրոնում ահազանգեր չեն ստացվել:
Խոսրով Խլղաթյան
Բաժանորդագրվեք մեր ալիքին Telegram-ում