Երևանում՝ 11:07,   20 Ապրիլ 2024

Ձեռնարկատերը խուսափել է հարկերից և պետությանը պատճառել խոշոր չափերի վնաս

Ձեռնարկատերը խուսափել է հարկերից և  պետությանը պատճառել խոշոր չափերի 
վնաս

ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: ՀՀ քննչական կոմիտեի Երևանի քննչական վարչության Շենգավիթի քննչական բաժնում ավարտվել է անհատ ձեռնարկատիրոջ կողմից հարկերը, տուրքերը կամ պարտադիր այլ վճարումները վճարելուց չարամտորեն խուսափելու դեպքի առթիվ հարուցված քրեական գործի նախաքննությունը։ Այս մասին «Արմենպրես»-ին տեղեկացրին ՀՀ քննչական կոմիտեի  դեպարտամենտի  տեղեկատվության և հասարակայնության հետ կապերի բաժնից:

Քննությամբ պարզվել է, որ Էջմիածնի տարածքային հարկային տեսչությունում  հաշվառված անհատ ձեռնարկատերը 2013 թվականի հուլիսից մինչև 2014 թվականի փետրվարն ընկած ժամանակահատվածում Երևան քաղաքի Արշակունյաց պողոտայում գտնվող գիշերային ակումբներից մեկում իրականացրել է շահույթ հետապնդող առևտրային գործունեություն։

Բավարար ապացույցներ են ձեռք բերվել, որ հարկերը վճարելուց խուսափելու դիտավորությամբ, խախտելով ՀՀ աշխատանքային օրենսգրքի 14-րդ հոդվածի, 85-րդ հոդվածի և «Արտոնագրային վճարների մասին» ՀՀ օրենքի թիվ 8 հավելվածի 5-րդ կետի պահանջները, օրենսդրությամբ նախատեսված հաշվետվություններ, հաշվարկներ և հարկման հիմք հանդիսացող պարտադիր այլ փաստաթղթերում մտցվել են ակնհայտ խեղաթյուրված տվյալներ:

Մասնավորապես՝ 2013-2014թթ. ընթացքում Ա/Ձ-ում փաստացի աշխատող 19 աշխատակից սահմանված կարգով չի ձևակերպել որպես աշխատող, նրանց հետ չեն կնքվել համապատասխան աշխատանքային պայմանագրեր, չի հաշվարկվել ու պետական բյուջե չի վճարվել շուրջ 11 մլն 400 հազար դրամ եկամտային հարկ:

Լինելով արտոնագրային վճար վճարող` անհատ ձեռնարկատերը, քննության տվյալներով, Էջմիածնի տարածքային հարկային տեսչություն է ներկայացրել արտոնագրային վճարի ելակետային աղավաղված տվյալներ. փաստացի սպասարկման մակերեսը 40 քմ  հայտարարագրելու փոխարեն 10 քմ-ով պակաս է հայտարարագրել, որի արդյունքում պետական բյուջե վճարման ենթակա արտոնագրային վճարը պակաս է  հաշվարկել ու վճարել 225.000 դրամ:

Քրեական գործով կատարված քննչական և դատավարական գործողությունների արդյունքում բավարար ապացույցներ են ձեռք բերվել՝ անհատ ձեռնարկատիրոջ կողմից պետությանն ավելի քան 11 մլն 625 հազար մլն դրամի վնաս պատճառելու վերաբերյալ և  մինչ դատական վարույթի ընթացքում ձեռք բերված ապացույցների համակցությամբ  նրան մեղադրանք է առաջադրվել ՀՀ քրեական օրենսգրքի 205-րդ հոդվածի 1-ին մասով:  Քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]