Հաստատվեց ամառային զորակոչի անցկացման նախագիծը
13:17, 27 Մայիս 2015
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: ՀՀ կառավարությունը հաստատեց 2015 թվականի ամառային «Զորակոչը կազմակերպելու մասին» որոշման նախագիծը։ «Արմենպրես»-ի փոխանցմամբ՝ գործադիրի նիստում ՀՀ պաշտպանության նախարարի տեղակալ Արա Նազարյանը նշեց, որ որոշման նախագծում սահմանված են պարտադիր զինվորական և այլընտրանքային ծառայությունների 2015թ. ամառային զորակոչի կազմակերպման և անցկացման, զորակոչի ապահովման գործընթացում պետական և տարածքային կառավարման մարմինների գործողությունների հետ կապված հարաբերությունները։
Նախագծով սահմանվել են նաև հանրապետական զորակոչային հանձնաժողովի, մարզային զորակոչային հանձնաժողովի, ինչպես նաև բժշկական հանձնաժողովի կազմերը:
Բաժանորդագրվեք մեր ալիքին Telegram-ում