Եվրոպայի լիգայի եզրափակիչին ընդառաջ. մարզիչների կարծիքները
ԵՐԵՎԱՆ, ՄԱՅԻՍԻ, ԱՐՄԵՆՊՐԵՍ: Լեհատսանի մայրաքաղաք Վարշավան այսօր` մայիսի 27-ին կընդունի ֆուտբոլի Եվրոպայի լիգայի եզրափակիչը, որտեղ չեմպիոնական գավաթը կվիճարկեն Ուկրաինան ներկայացնող «Դնեպր»-ը և իսպանական «Սևիլիա»-ն:
«Մեզ մոտ վստահություն առաջացավ մեր ուժերի նկատամամբ, երբ հաղթեցինք հունական «Օլիմպիակաոս»-ին: Հենց այդ հաղթանակն էր, որ հույս տվեց, թե կարող ենք առաջ շարժվել: Եթե ասեմ, որ տղաները անհագստացած չեն, ապա կստեմ: Շատ կարևոր է, որ լարվածությունը ցրվի, երբ մտնենք խաղադաշտ»,-«Արմենպրես»-ի հաղորդմամբ, նման կարծիք է հայտնել «Դնեպր»-ի գլխավոր մարզիչ Միրոն Մարկևիչը:
Իսպանական «Սևիլիա»-ի գլխավոր մարզիչ Ունեյ Էմերիի կարծիքով, նմանատիպ խաղերում որոշիչ են լինում մանրուքները: «Վստահ եմ, որ համառ պայքար է լինելու, այդ պատճառով մենք պետք է պատրաստ լինենք ամեն ինչի: «Դնեպր»-ը շատ կազմակերպված խաղ է խաղում: Ինչն էլ իր այդ թիմի հաջողության պահերից է»,-ասել է Էմերին:
Ֆուտբոլի Եվրոպայի լիգայի 2014/15 թվականի եզրափակիչը կկայանա մայիսի 27-ին և կսկսվի Երևանի ժամանակով 22:45-ին:
Բաժանորդագրվեք մեր ալիքին Telegram-ում