Արմեն Երիցյանի ոստիկանական փորձը նրան թույլ է տալիս որոշ հետևություններ անել Սուրիկ Խաչատրյանի մահափորձի գործով
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարար Արմեն Երիցյանի ոստիկանական փորձը նրան թույլ է տալիս ենթադրելու, որ տարօրինակ չէ, որ Սյունիքի մարզպետ Սուրիկ Խաչատրյանի մեքենայի վրա կրակահերթի արդյունքում ոչ ոք չի վնասվել: «Իմ ոստիկանական փորձը թույլ է տալիս ենթադրել, որ ամեն ինչ էլ հնարավոր է, ոչինչ մի բացառեք» ,- ասաց նախարարը` Ազգային ժողովում պատասխանելով հարցին` հնարավո՞ր է, որ մեքենային այդքան փամփուշտ դիպչի, սակայն դրանում եղած անձանցից որևէ մեկն անգամ քերծվածք չստանա: Նախարարը վստահ է, որ իրավապահ մարմիններն ամեն ինչ անելու են Սուրիկ Խաչատրյանի դեմ մահափորձը բացահայտելու համար:
Արմեն Երիցյանը կոչ արեց սպասել իրավապահ մարմինների գնահատականներին և ժամանակից շուտ եզրակացություններ չանել: «Սյունիքի մարզպետի նկատմամբ մահափորձ է եղել, քրեական գործ է հարուցված, և ես կարծում եմ, որ իրավապահ մարմիններն ամեն ինչ կանեն, որ այդ դեպքը բացահայտեն: Այս պահին նախաքննություն է ընթանում և կոչ եմ անում սպասել նախաքննության արդյունքներին»,- «Արմենպրես»-ի հաղորդմամբ՝ նշեց Երիցյանը:
Դիտարկմանը, թե շատ են խոսակցություններն այն մասին, որ Սուրիկ Խաչատրյանի դեմ մահափորձը բեմականացված է, Արմեն Երիցյանը չհամաձայնեց, նշելով, որ ոչ մի նորմալ մարդ ընդունակ չէ նման քայլի:
Մայիսի 20-ին, ժամը 18:15-ի սահմաններում, Կապան-Գորիս ավտոճանապարհի 30-րդ կմ հատվածում հրազենայինկրակահերթ է արձակվել «Լեքսուս LX 570» մակնիշի ավտոմեքենայի ուղղությամբ, որի մեջ այդ պահին գտնվել է Սյունիքիմարզպետ Սուրիկ Խաչատրյանը։ Նախնական տվյալներով՝ ավտոմեքենայի մեջ եղել է ևս երկու հոգի՝ վարորդը և մարզպետիօգնականը: Տուժածներ չկան: Կրակոցների առնչությամբ Հատկապես կարևոր գործերով քննության գլխավոր վարչությանվարույթում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 2-րդ մասի (մահափորձ) և 235-րդհոդվածի 1-ին մասի հատկանիշներով:
Բաժանորդագրվեք մեր ալիքին Telegram-ում