Հռոմի Պապն արդեն 25 տարի հեռուստացույց չի դիտում
22:13, 25 Մայիս 2015
ՎԱՏԻԿԱՆ, 25 ՄԱՅԻՍԻ, ԱՐՄԵՆՊՐԵՍ: Հռոմի Ֆրանցիսկոս պապը խոստովանել է, որ արդեն 25 տարի է՝ հեռուստացույց չի դիտում: Ինչպես հաղորդում է «Արմենպրես»-ը վկայակոչելով BBC-ն, կաթոլիկների հոգեւոր առաջնորդը դադարել է հեռուստացույց դիտել 1990թ. հուլիսի 15-ից: Նա նաեւ չի օգտվում ինտերնետից, իսկ համաշխարհային կյանքի իրադարձություններին տեղեկանալու համար օրական 10 րոպե կարդում է իտալական թերթեր:
Հռոմի Պապը հետեւում է իր սիրելի արգենտինական ֆուտբոլային թիմի հաջողություններին: Ֆուտբոլային թիմի հաջողությունների մասին նրան տեղեկացնում են Շվեյցարական գվարդիականները:
Բաժանորդագրվեք մեր ալիքին Telegram-ում