5,6 մագնիտուդով հուժկու երկրաշարժ Է տեղի ունեցել Տոկիոյի շրջանում
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Մայիսի 25-ին 5,6 մագնիտուդով հուժկու երկրաշարժ Է տեղի ունեցել Տոկիոյի շրջանում: Իշխանությունները սկզբում նախազգուշացրել են ցունամիի վտանգի մասին, բայց այնուհետեւ հանել են այդ հայտարարությունը, տեղեկացնում Է «Արմենպրես»-ը:
Երկրաշարժի Էպիկենտրոնը գտնվում Էր Սայտամայի պրեֆեկտուրայում՝ Տոկիոյից հյուսիս ընկած շրջանում, տարերքի օջախը եղել Է 50 կիլոմետր խորության վրա, հաղորդել Է Ճապոնիայի օդերեւութաբանության գործակալությունը:
Ստորգետնյա ցնցումների հետեւանքով Տոկիոյում շենքերն ուժեղ ցնցվել են: Երկրաշարժից հետո անվտանգության նպատակով ժամանակավորապես դադարեցվել Է երթեւեկությունը Տոկիոյի մետորոյում, սակայն այժմ գետնուղու աշխատանքն ամբողջ ծավալով վերականգնված Է:
Ճապոնիայում ատոմային ճյուղի օբյեկտները երկրաշարժի հետեւանքով չեն տուժել: Այս տեղեկությունը հայտնել Է երկրի Էկոնոմիկայի, առեւտրի եւ արդյունաբերության նախարարությունը:
Ինչպես նշում Է ՏԱՍՍ-ը, երկրաշարժի կապակցությամբ Ճապոնիայի վարչապետ Սինձո Աբեի վարչակազմին կից ստեղծվել Է արտակարգ շտաբ: Առայժմ այնտեղ տուժածների եւ վնասի մասին տեղեկություներ չեն ստացվել:
Բաժանորդագրվեք մեր ալիքին Telegram-ում