Էլինա Դանիելյանը 4 տուրերից հետո 7-րդն է Եվրոպայի առաջնությունում
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Շախմատի Եվրոպայի անհատական առաջնությունում կայացել են 4-րդ տուրի հանդիպումները: Հայաստանի ներկայացուցիչներից Մարիա Գևորգյանը և Սուսաաննա Գաբոյանն հաղթանակ են տոնել, ոչ-ոքի են ավարտվել Դանիելյանի, Գալոյանի, Մկրտչյանի և Ղուկասյանի պարտիաները, իսկ այս տուրում անհաջող են ելույթ ունեցել Աննա Հայրապետյանը, Մորիա Կուրսովան: Այս տուրից հետո Էլինա Դանիելյանը 6-րդ տեղում է 3 միավորով: Լիլիթ Մկրտչյանը և Մարիա Գևորգյանը ևս ունեն 3 միավոր:
«Արմենպրես»-ի հաղորդմամբ, գրոսմայստերներ Էլինա Դանիելյանը, Լիլիթ Մկրտչյանը, Լիլիթ Գալոյանը, Մարիա Կուրսովան, միջազգային վարպետ Աննա Հայրապետյանը, ՖԻԴԵ-ի վարպետ Մարիա Գեւորգյանը, Սուսաննա Գաբոյանը եւ Սիրանուշ Ղուկասյանը մասնակցում են մայիսի 19-30-ը Վրաստանի Չաքվի քաղաքում անցկացվող Եվրոպայի կանանց անհատական առաջնությանը:
Բաժանորդագրվեք մեր ալիքին Telegram-ում