Գաբրիել Ղազարյանը շնորհավորել է Գյումրիի մարզական քոլեջի շրջանավարտներին
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: ՀՀ սպորտի և երիտասարդության հարցերի նախարար Գաբրիել Ղազարյանն այցելել է Գյումրիի օլիմպիական հերթափոխի պետական մարզական քոլեջի վերջին զանգի արարողությանը: Ինչպես «Արմենպրես»-ին հաղորդեցին գերատեսչության տեղեկատվության և հասարակայնության հետ կապերի բաժնից, Ղազարյանը շնորհավորել է շրջանավարտներին և մարզիչ-մանկավարժներին ուսումնական տարվա ավարտի կապակցությամբ:
«Հերթական սերունդն է նոր կյանք ճանապարհում Գյումրու քոլեջը, որի ղեկավարությունը, մանկավարժները, չխնայելով ուժ և եռանդ, իրենց փորձն ու գիտելիքներն են փոխանցում այս կրթարանի սաներին: Ես նրանց մաղթում եմ երազանքների իրականացում և, իհարկե, մարզական հաջողություններ»,- ասել է նախարարը:
Ելույթ է ունեցել նաև քոլեջի տնօրեն Հակոբ Փանոսյանը` հպարտությամբ խոսելով այս տարվա շրջանավարտների մարզական հաջողությունների մասին, ովքեր արժանացել են բազմաթիվ մրցանակների աշխարհի և Եվրոպայի առաջնություններում:
Բաժանորդագրվեք մեր ալիքին Telegram-ում