1000х90.jpg (78 KB)

Երևանում՝ 11:07,   29 Մարտ 2024

Սահմանադրական բարեփոխումների հանձնաժողովն ուսումնասիրել է միջազգային փորձը

Սահմանադրական բարեփոխումների հանձնաժողովն ուսումնասիրել է 
միջազգային փորձը

ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Սահմանադրական բարեփոխումների իրականացման գործում չափազանց կարևոր խնդիր է վստահության երաշխիքների ստեղծումը: «Արմենպրես»-ի փոխանցմամբˋ այդ մասին լրագրողների հետ հանդիպմանն ասաց Սահմանադրական դատարանի նախագահ Գագիկ Հարությունյանը:

«Մենք առաջարկելու ենք, որ ընտրական օերնսգիրքը լինի օրգանական օրենք, այսինքն, որ այն Ազգային ժողովում ընդունվի ոչ թե պարզ մեծամասնությամբ, այլ որակյալ մեծամասնությամբ»,- ասաց Հարությունյանը: ՍԴ նախագահի խոսքովˋ սահմանադրական բարեփոխումների հանձնաժողովն ուսումնասիրել է ողջ միջազգային փորձը և նպատակ ունի, քաղաքական ուժերի հետ քննարկումների միջոցով, որոշակի տարբերակներ առաջադրել, որոնք առաջին հերթին պետք է կոչված լինեն վստահության երաշխիքների ապահովմանը:

«Միաժամանակ մենք առաջարկել ենք, որպեսզի Կենտրոնական ընտրական հանձնաժողովը դառնա սահմանադրական ինստիտուտ: Փորձում ենք նաև դրա ձևավորման այնպիսի կարգ մշակել, որը կբարձրացնի հուսալիության երաշխիքները»,- ընդգծեց ՍԴ նախագահը՝ ավելացնելով, որ իշխանությունների կողմից նախաձեռնած և իրականացվող նման բարեփոխումներն անհնարին է կյանքի կոչել առանց հստակ և վստահելի հանրաքվեի կազմակերպման:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]