Սփյուռքի նախարարն «Արի տուն»-ը հաջողված ծրագիր է համարում
20:27, 22 Մայիս 2015
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: ՀՀ սփյուռքի նախարար Հրանուշ Հակոբյանը «Արի տուն»-ը հաջողված ծրագիր է համարում: «Անկախ նրանից, թե ինչեր խոսեցին «Արի տուն»-ի մասին, այն հաջողված ծրագրերից մեկն է: Մեր հայրենակից երիտասարդները գալիս են այստեղ, ոգևորվում հայրենիքով և վերադառնում՝ շարունակելու հայի ու Հայաստանի հետ կապը»,- «Արմենպրես»-ի փոխանցմամբ՝ լրագրողների հետ զրույցում նշեց Հրանուշ Հակոբյանը:
Այս տարի ծրագիրը կմեկնարկի հունիսի 15-ին: «Արի տուն» ծրագրի շրջանակում, ինչպես նախորդ տարիներին, այս տարի ևս Երևանը կհյուրընկալի սփյուռքից ժամանած տասնյակ պատանիների և երիտասարդների: Ծրագրի առաջին փուլով Երևան կժամանի շուրջ 200 երեխա:
Բաժանորդագրվեք մեր ալիքին Telegram-ում