1000х90.jpg (78 KB)

Երևանում՝ 11:07,   29 Մարտ 2024

Բրիտանական թագավորական ընտանիքի անդամներն այցելել են դքսուհի Քեյթին եւ նրա նորածին դստերը

Բրիտանական թագավորական ընտանիքի անդամներն այցելել են դքսուհի Քեյթին եւ նրա նորածին դստերը

ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Բրիտանական թագավորական ընտանիքի անդամները մայիսի 3-ին Քենսինգթոնյան պալատում այցելել են Քեմբրիջի դքսուհի Քեթրինին եւ նրա նորածին դստերը: Ինչպես տեղեկացնում է «Արմենպրես»-ը, հղում անելով տեղական ԶԼՄ-ներին, Ուելսի արքայազն Չարլզը եւ նրա տիկինը՝ Քոռնուելի դքսուհի Կամիլան մի ամբողջ ժամ են անցկացրել իրենց թոռնուհու հետ:

Երեխային տեսնելու են եկել նաեւ Քեյթի ծնողները՝ Մայքլ եւ Քերոլ Միդլթոնները, եւ նրա քույրը՝ Փիփան:

Ինչպես նշում Է ՏԱՍՍ-ը, Մեծ Բրիտանիայի բնակիչները շարունակում են գուշակել, թե ինչպես կանվանեն գահի նոր ժառանգորդուհուն: Բուքմեքերները կարծում են, որ աղջկան, ամենայն հավանականությամբ, կանվանեն Էլիս կամ Շառլոտա: Հավանական մյուս անունների թվում են Օլիվիան, Վիկտորյան եւ Եղիսաբեթը:

Քեմբրիջի դուքսի եւ դքսուհու՝ Ուիլյամի եւ Քեյթի դուստրը ծնվել է մայիսի 2-ին եւ դարձել չորրորդը գահաժառանգման ցուցակում՝ արքայազն Չարլզից, իր հորից ու եղբորից հետո:

Լուսանկարը`   EPA


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]