Նեպալում 3 մարդ է փրկվել 8 օր փլատակների տակ մնալուց հետո
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Նեպալում տեղի ունեցած ավերիչ երկրաշարժից ութ օր անց Սիաուլի գյուղում փլատակների տակից դուրս է բերվել 3 մարդ: «Արմենպրես»-ի հաղորդմամբ՝ ինչպես տեղեկացնում է «ՏԱՍՍ»-ը՝ այս մասին հայտնել է NDTV հեռուստաընկերություն: Գյուղը գտնվում է մայրաքաղաք Կատմանդուից 60 կմ դեպքի արևելք, որտեղ գտնվող հոսպիտալ էլ տեղափոխվել են տուժածները:
Նեպալում ապրիլի 25-ին տեղի ունեցած ավերիչ երկրաշարժի հետևանքով զոհվել է ավելի քան 7 հազար մարդ, տուժել է 14 հազարը: Նեպալի պաշտպանության նախարարության տվյալներով, ավերվել են 140 հազար բնակելի տներ, վնասվել է ավելի քան 140 հազար շինություն: Երկրաշարժից հետո տեղի ունեցած վերջին ցնցումներն արձանագրվել են մայիսի 3-ի առավոտյան՝ տեղական ժամանակով ժամը 04:09-ին: Հետցնցման էպիկենտրոնը գտնվում է Կատմադուից 50 կմ դեպի հյուսիս-արևելք:
Բաժանորդագրվեք մեր ալիքին Telegram-ում