Վեցամյա երեխայի հետ ամուսնությունը հնարավոր է. Թուրքիայի սոցիալական հիմնադրամի ղեկավար
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Թուրքիայի սոցիալական կառուցվածքի հիմնադրամի ղեկավար Նուրեդդին Յըլդըզը հանդես է եկել Թուրքիան դեպի միջնադար տանող հայտարարությամբ:
Ինչպես հաղորդում է «Արմենպրես»-ը, Յըլդըզը, ով նաեւ թուրքական «Աքիթ» թերթի լրագրող է, հայտարարել է, որ «6-ամյա երեխայի հետ ամուսնությունը հնարավոր է, եւ պետք է թույլատրվի»: Թուրք «մտավորականի» այդ հայտարարությունը աղմուկի պատճառ է դարձել Թուրքիայում:
Չբավարարվելով միջնադարյան մտածողությանը հարիր այդ արտահայտությամբ՝ Յըլդըզը նաեւ հայտարարել է, թե ջինս կրելը «անհավատներին նմանակում է»: Նա ցավով նշել է, որ թուրքերը եւս եվրոպացիների նման սկսել են ջինս հագնել, ինչի դեմն առնել այլեւս հնարավոր չէ:
«Մեր գիտնականներն ու աստվածաբանները ջինսն ու շալվարը անհավատի հագուստ լինելու պատճառով հարմար չեն տեսնում թուրքերին կրել դրանք: Սակայն, դա արգելել այլեւս հնարավոր չէ», -ասել է նա՝ այդուհանդերձ «իսկական» թուրքերին խորհուրդ տալով հրաժարվել ամերիկացի հովիվների կրած «անհավատի» հագուստից:
Բաժանորդագրվեք մեր ալիքին Telegram-ում