1000х90.jpg (78 KB)

Երևանում՝ 11:07,   28 Մարտ 2024

Արտաշատցի սամբիստուհին Եվրոպայի առաջնությանը զբաղեցրել է 6-րդ տեղը

Արտաշատցի սամբիստուհին  Եվրոպայի առաջնությանը զբաղեցրել է 6-րդ տեղը

ԱՐՏԱՇԱՏ, 27 ԱՊՐԻԼԻ, ԱՐՄԵՆՊՐԵՍ: Սերբիայում ապրիլի 16-21-ն անցկացված սամբոյի պատանիների եւ երիտասարդների Եվրոպայի առաջնությանը արտաշատցի մարզիկը զբաղեցրել է 6-րդ հորիզոնականը: «Արմենպրես»-ի թղթակցի հետ զրույցում Արարատի մարզի մենամարտային մարզաձեւերի ֆեդերացիայի նախագահ Արթուր Հախումյանցը նշեց, որ 52 կգ քաշային Լիանա Միքայելյանն ունեցել է երեք գոտեմարտ. հաղթել է Մոլդովայի ներկայացուցչին, պարտվել ՌԴ-ն ներկայացնող սամբիստին, իսկ երրորդ տեղի պայքարի համար` կրկին պարտվել բուլղարացուն:

Լիանայի մարզիչ Հախումյանցի խոսքով` նա ուներ հրաշալի պատրաստվածություն, սակայն լավ արդյունք ցուցաբերելու համար նրան խանգարել է մարզիչի բացակայությունը, ինչն էլ նրա վրա թողել է հոգեբանական ազդեցություն: «Ստեղծված իրավիճակն էլ նրան զրկել է արագ եւ ճիշտ կողմնորոշվելու հնարավորությունից»,- ընդգծեց Հախումյանցը: Նա ավելացրեց, որ թեեւ Լիանան չզբաղեցրեց մրցանակային տեղ, այնուամենայնիվ, նրա մրցելույթից իր գոհունակությունն է հայտնել Հայաստանի սամբոյի ֆեդերացիայի նախագահ Լեւոն Հայրապետյանը: Վերջինս գոհ է սամբիստուհու մարզավիճակից եւ աշխատանքից:

Առաջնությանը մասնակցել են եվրոպական երկրների լավագույն սամբիստները: Աղջիկների 52 կգ քաշային կարգում առաջնությանը մասնակցություն են ունեցել 11 սամբիստներ:

Լիլիթ Մաճկալյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]