ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Նեպալում տեղի ունեցած երկրաշարժի զոհերի թիվը հասել Է 4138-ի: Այդ մասին, ինչպես տեղեկացնում Է «Արմենպրես»-ը, հաղորդել Է DPA գործակալությունը՝ հղում անելով Նեպալի ներքին գործերի նախարարությանը:

Ավելի վաղ հաղորդել Էր ավելի քան 3,7 հազար զոհվածների մասին:

Նեպալում 7,9 մագնիտուդով երկրաշարժը տեղի Է ունեցել ապրիլի 25-ի առավոտյան: Ստորգետնյա առաջին ցնցումներին հաջորդել են եւս մի քանի հետցնցումներ: Երկրաշարժի Էպիկենտրոնը գտնվում Էր երկրի մայրաքաղաք Կատմանդուից 82 կիլոմետր հյուսիս-արեւմուտք ընկած շրջանում: Օջախը եղել Է 15 կիլոմետր խորության վրա: Ապրիլի 26-ին Նեպալում վերստին գրանցվել են մի շարք հետցնցումներ, որոնցից ամենահզորի մագնիտուդը եղել Է 6,7: Նշվում Է, որ եւս ավելի քան 6,5 հազար մարդ վնասվածքներ Է ստացել, հաղորդել Է ՌԻԱ Նովոստին:

Լուսանկարը` Global Look Press