Բաքվում հարսանիքին փեսան հարսին ուշագնացության աստիճանի ծեծել է
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Բաքվի «Խուդաֆերին» հարսանյաց տանն անցկացված հարսանիքի ժամանակ փեսան հարսին բոլորի աչքի առաջ այնքան է ծեծել, որ նա ուշաթափվել է:
Ինչպես հաղորդում է «Արմենպրես»-ը` վկայակոչելով faktxeber.com-ը, միջադեպը տեղի է ունեցել ապրիլի 25-ին:
Նորափեսան հանկարծակի հարձակվել է հարսի վրա եւ հարվածներ տեղացել, ինչի արդյունքում նորահարսն ուշագնաց է եղել, եւ հարազատները ստիպված շտապօգնություն են կանչել:
Հարսի եւ փեսայի հարազատների միջեւ ծեծկռտոց է սկսվել: Ժամեր շարունակված բախման 30 մասնակից տարվել են ոստիկանություն:
Փեսայի` հարսին ծեծելու պատճառները հայտնի չեն: Ենթադրվում է, որ հարսանյաց հանդեսին մասնակցած հյուրերից մեկը փեսայի համար անցանկալի անձ է եղել, եւ նրան տեսնելուց հետո նա ապագա կնոջ հետ վիճաբանություն է ունեցել:
Բաժանորդագրվեք մեր ալիքին Telegram-ում