Էդվարդ Նալբանդյանն առաջիկա օրերին կհանդիպի Մինսկի խմբի համանախագահների հետ
12:10, 27 Ապրիլ 2015
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: ՀՀ արտաքին գործերի նախարար Էդվարդ Նալբանդյանն ապրիլի 29-ին կհանդիպի ԵԱՀԿ Մինսկի խմբի համանախագահների հետ` Ղարաբաղյան հիմնախնդրի կարգավորմանն ուղղված բանակցային գործընթացը շարունակելու նպատակով: «Արմենպրես»-ի փոխանցմամբ` ապրիլի 27-ին Բելգիայի ԱԳ նախարար Դիդիե Ռեյնդերսի հետ հանդիպմանը հաջորդած համատեղ ասուլիսում այս մասին հայտարարեց նախարարը: «Ես ապրիլի 29-ին կհանդիպեմ Մինսկի խմբի համանախագահների հետ` բանակցային գործընթացը շարունակելու նպատակով: Բանակցային գործընթացին այլընտրանք գոյություն չունի»,- ասաց Նալբանդյանը:
Բաժանորդագրվեք մեր ալիքին Telegram-ում