«Փյունիկ»-ը և «Միկա»-ն հաղթեցին հերթական տուրում
16:53, 26 Ապրիլ 2015
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Ֆուտբոլի Հայաստանի առաջնության 23-րդ տուրի շրջանակներում կայացան վերջին երկու հանդիպումները` «Ալաշկերտ»-«Միկա» և «Գանձասար Կապան»-«Փյունիկ»:
«Ալաշկերտ»-ը սեփական հարկի տակ հյուրընկալելով «Միկա»-ին զիջեց 1-2 հաշվով: «Միկա»-ի կազմում աչքի ընկան Ալեքսը և Արտակ Գրիգորյանը, իսկ «Ալաշկերտ»-ի կազմում հեղինակության գնդակը խփեց Միհրան Մանասյանը:
Միաժամանակ ընթացող «Գանձասար Կապան»-«Փյունիկ» խաղում գրանցվեց մեկ դարպասի գրավում: Երևանյան ակումբի կազմում 84-րդ րոպեին հաղթական գոլի հեղինակ դարձավ Նարեկ Ասլանյանը:
Այս տուրից հետո մրցաշարային աղյուսակի առաջատարը մնում է «Փյունիկ»-ը` 48 միավոր: 44 միավոր ունի «Շիրակ»-ը, իսկ «Ուլիս»-ը`41:
Բաժանորդագրվեք մեր ալիքին Telegram-ում