Լևոն Արոնյանը կմասնակցի «Grand chess tour» գերմրցաշարին
18:41, 25 Ապրիլ 2015
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Շախմատի Հայաստանի հավաքականի առաջատար Լևոն Արոնյանը կմասնակցի «Grand Chess Tour» մրցաշարին:
Խոշոր այս մրցաշարը բաղկացած է երեք հիմնական` Ստավանգերի (հունիսի 15-26), Սենթ Լուիսի (օգոստոսի 21-ից սեպտեմբերի 3), Լոնդոնի (դեկտեմբերի 3-14-ը) մրցաշարերից: Հայկական շախմատի ներկայիս ամենաուժեղ շախմատիստից բացի, այս մրցաշարին կմասնակցեն նաև Մագնուս Կարլսենը, Ֆաբիանո Կարուանան, Ալեքսանդր Գրիշչուկը, Վեսելին Տոպալովը, Վիշվանաթան Անանդը, Անիշ Գիրին և Հիկարու Նակամուրան: «Արմենպրես»-ի հաղորդմամբ, այս մասին տեղեկացնում է Chess-news կայքը:
Այս օրերին մեր հավաքականի առաջատարը Ծաղկաձորում մասնակցում է աշխարհի թիմային առաջնությանը:
Բաժանորդագրվեք մեր ալիքին Telegram-ում