Թուրքական ինքնաթիռը շարժիչում հրդեհի պատճառով շտապ վայրէջք է կատարել
14:18, 25 Ապրիլ 2015
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Թուրքիայի ավիաուղիների Ստամբուլ-Միլան երթուղին իրականացնող Airbus A320 ինքնաթիռը, շարժիչում ծագած հրդեհի պատճառով, թռիչքից կարճ ժամանակ հետո շտապ վայրէջք է կատարել Ստամբուլի Աթաթուրքի անվան օդանավակայանում:
Ինչպես հաղորդում է «Արմենպրես»-ը` վկայակոչոլով թուրքական «Հաբերլեր» լրատվական կայքը, 97 ուղեւորներով ինքնաթիռի օդաչուին հաջողվել է վայրջքն իրականցնել երկրորդ փորձից հետո:
Թուրքիայի ավիաուղիների ղեկավարությունը հայտնել է, որ վայրէջքից անմիջապես հետո ուղեւորները տարհանվել, հրշեջները հանգցրել են կրակը, եւ փորձում են պարզել շարժիչում հրդեհի պատճառը:
Բաժանորդագրվեք մեր ալիքին Telegram-ում