1000х90.jpg (78 KB)

Երևանում՝ 11:07,   28 Մարտ 2024

Փաստաբանները երդվեցին բարեխղճորեն կատարել իրենց գործը և ստացան արտոնագրեր

Փաստաբանները երդվեցին բարեխղճորեն կատարել իրենց գործը և ստացան 
արտոնագրեր

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Փաստաբանական դպրոցի 55 շրջանավարտ ստացավ արտոնագիր և հետայսու կարող է զբաղվել փաստաբանի գործունեությամբ: «Արմենպրես»-ի փոխանցամբ` արտոնագրեր ստացան բոլոր այն հավակնորդները, ովքեր հաղթահարել էին որակավորման քննությունների նվազագույն շեմը:

Մինչ արտոնագրերի հանձնումը հավաքվածները մեկ րոպե լռությամբ հարգեցին Հայոց ցեղասպանության զոհերի հիշատակը, որից հետո Հայաստանի փաստաբանների պալատն անցկացրեց խորհրդի նիստ` քննարկելու փաստաբանի հավակնորդներին արտոնագրեր տրամադրելու հարցը: Խորհուրդը որոշեց բավարարել հավակնորդների դիմումները և տրամադրել նրանց արտոնագրեր` պալատի խորհրդի առջև երդում տալուց հետո: Երդման կարգից առաջ նորընծա փաստաբաններին իր խոսքն ուղղեց ՀՀ արդարադատության նախարար Հովհաննես Մանուկյանը, ով խոսեց այդ մասնագիտության կարևորության մասին:

«Ձեր դերակատարությունն իրոք մեծ է ինչպես իրավունքների պաշտպանման տեսանկյունից, այնպես էլ ազգային պահանջատիրության առումով: Որպես ասվածի օրինակ պետք է հիշել Սողոմոն Թեհլերյանի դատավարությունը, երբ  Գերմանիայի դատարանն արդարացրեց նրան շնորհիվ նրա, որ կատարվել էր հիանալի փաստաբանական աշխատանք: Եթե այդ ժամանակ չլիներ փաստաբանական պրոֆեսիոնալ մոտեցում, տեղի չէր ունենա արդարացման այդ դասական ակտը: Պետությունը մեծ դերակատարություն է վերապահում փաստաբաններին, և վերջին տարիներին իրավաբանական համայնքում և երկրի կյանքում մեծացել է նրանց դերը»,- «Արմենպրես»-ի փոխանցմամբ` ասաց նախարարը: Նա իր և ՀՀ վարչապետ Հովիկ Աբրահամյանի անունից շնորհակալագրեր հանձնեց նախորդ տարիներին մասնագիտական լավ աշխատանք ցուցաբերած փաստաբաններին:

Փաստաբանների պալատի նախագահ Արա Զոհրաբյանն էլ պալատի անունից շնորհակալագրեր հանձնեց Փարիզի ու Սոֆիայի փաստաբանական պալատների նախագահներին, ովքեր ժամանել էին Հայաստան` մասնակցելու հայ փաստաբանների արտոնագրերի հանձնման արարողությանը: Զոհրաբյանը կարևորեց նաև այն փաստը, որ թեև փաստաբանների գործն ուղղված է «պետության դեմ», սակայն նրանք մեծ հարգանքի են արժանանում պետական մարմինների կողմից:

Այնուհետ փաստաբանի արտոնագրերի արժանացած հավակնորդները երդվեցին` խոստանալով բարեխիղճ աշխատանք կատարել և պաշտպանել վստահորդների իրավունքները: «Հանդիսավոր երդվում եմ ազնիվ և բարեխիղճ կատարել փաստաբանի պարտականությունները, պահպանել փաստաբանական գաղտնիքը, պաշտպանել վստահորդների իրավունքները, ազատությունները և շահերը՝ ղեկավարվելով Հայաստանի Հանրապետության Սահմանադրությամբ, օրենքներով և փաստաբանի վարքագծի կանոնագրքով»,-հնչեց նրանց երդման խոսքը:  Երդում տալուց հետո նրանց հանձնվեցին արտոնագրերն ու փաստաբանի վկայականները:

Փաստաբանական դպրոցի երդմնակալության եւ 2014թ. արտոնագրերի հանձնման արարողությունը: Լուսանկարները` Էդուարդ Սեպետչյանի


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]