Կորդոբայի թատրոնում կայացել է Հայոց ցեղասպանության զոհերի ոգեկոչման միջոցառում
ԲՈՒԵՆՈՍ ԱՅՐԵՍ, 20 ԱՊՐԻԼԻ, ԱՐՄԵՆՊՐԵՍ: Արգենտինայի Կորդոբա նահանգի Սան Մարտին թատրոնում Հայոց ցեղասպանության ոգեկոչմանը, պատմությանն ու հիշողությանը նվիրված միջոցառում է տեղի ունեցել, որին ներկա է գտնվել Կորդոբայի փոխնահանգապետը: «Արմենպրես»-ի փոխանցմամբ՝ ոգեկոչման միջոցառմանը ավելի քան 1000 մարդ է մասնակցել, որոնց թվում` քաղաքական, մշակութային և կրոնական գործիչներ:
«Այսօր հավաքվել ենք ոգեկոչելու մարդկության դեմ կատարված վայրագություններից մեկի զոհերի հիշատակը և այն իր ճշմարիտ անունով կոչելու, որն է` Ցեղասպանություն», - ասել է փոխնահանգապետ Ալիսիա Պլեգնոնիրն՝ իր համերաշխությունը հայտնելով հայ ժողովրդին:
Միջոցառման ընթացքում ելույթ է ունեցել «Գուսան» ժողովրդական պարի համույթը, որը վերջերս ներկայացրել էր համայնքը Կոսկինի փառատոնում:
Բաժանորդագրվեք մեր ալիքին Telegram-ում