Ադրբեջանում բռնաբարել են ռուս դպրոցականի
21:54, 20 Ապրիլ 2015
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Ադրբեջանի Խաչմազի շրջանի հիմնականում ռուսներով բնակեցված Ալեքսեեւկա գյուղում երկու ադրբեջանցիներ բռնաբարել են 8-րդ դասարանցի ռուս աղջկա:
Ինչպես հաղորդում է «Արմենպրես»-ը` վկայակոչելով ANS PRESS լրատվական գործակալությունը, նրանք աղջկան բռնությամբ քարշ են տվել դպրոցի բակում գտնվող կանանց զուգարան եւ բռնաբարել: Աղջկա գոռոցների վրա մարդկանց հասնելուն պես՝ հանցագործները դիմել են փախուստի:
Հետաքննության ժամանակ, որպես կասկածյալներ, ճանաչվել են 20-ամյա գյուղաբնակ Վալեհ Խուրշուդովը եւ 17-ամյա Ֆարիդ Հասանովը:
Ալեքսեեւկա գյուղի բնակիչներն այսօր բողոքի ակցիա են անցկացրել: Գյուղացիները պահանջել են, որպեսզի հանցագործների ընտանիքները հեռանան գյուղից:
Բաժանորդագրվեք մեր ալիքին Telegram-ում