Հայտնի է Յուրգեն Կլոպին փոխարինողի անունը
16:30, 19 Ապրիլ 2015
ԵՐԵՎԱՆ, ԱՊՐԻԼԻ, ԱՐՄԵՆՊՐԵՍ: Դորտմունդի «Բորուսիա»-ի ղեկավարությունը պաշտոնապես ներկայացրել է նոր գլխավոր մարզչին:
«Բորուսիա»-ի ղեկը նոր մրցաշրջանում կստանձնի «Մայնց 05»- ի նախկին գլխավոր մարզիչ Տոմաս Տուխելը: 41-ամյա մարզիչը պաշտոնապես կներկայացվի նոր մրցաշրջանից առաջ: «Արմենպրես»-ի հաղորդմամբ` այս մասին տեղեկացնում է «Բորուսիա»-ի պաշտոնական կայքը:
Մի քանի օր առաջ Դորտմունդի «Բորուսիա»-ի գլխավոր մարզիչ Յուրգեն Կլոպը պաշտոնապես հայտարարեց «Բորուսիա»-ից հեռանալու մասին: Կլոպը «Բորուսիա»-ի գլխավոր մարզչի պաշտոնն ստանձնել է 2008 թվականին: Այս ընթացքում դորտմունդյան ակումբը երկու անգամ դարձել է Գերմանիայի չեմպիոն և մեկ անգամ էլ գավաթակիր:
Բաժանորդագրվեք մեր ալիքին Telegram-ում