Շախմատի Հայաստանի հավաքականը մեծ հնարավորություններ ունի հաղթելու աշխարհի առաջնությունում
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: ՀՀ սպորտի և երիտասարդության հարցերի նախարար Գաբրիել Ղազարյանի կածիքով՝ շախմատի աշխարհի թիմային առաջությունը Հայաստանում անցկացնելը ևս մեկ խթան է շախմատի զարգացման համար:
«Այս առաջնությունը ևս մեկ խթան կհանդիսականա շախմատի կատարելագործման համար, որն ընդգրկված է դպրոցների ուսումնական ծրագրում»,- «Արմենպրես»-ի հաղորդմամբ, լրագրողների հետ զրույցում ասաց նախարարը:
Նրա կարծիքով՝ Հայաստանի հավաքականը մեծ շանսեր ունի այս առաջնությունում հաղթելու համար:
Այս առաջնությունը հոբելյանական է: Առաջին անգամ աշխարհի թիմային առաջնությունների պատմության ընթացքում մեկնարկող 50 շախմատիստներից 49-ը կրում են գրոսմայստերի կոչում: Այս ցուցանիշը եզակի է շախմատային մրցաշարերի տարեգրության մեջ: Հայաստանն այն երկիրն է, որին արդեն երկրորդ անգամն է, որ բախտ է վիճակվում կազմակերպելու աշխարհային թիմային առաջնությունը: Հայաստանը մինչ այժմ մեկ անգամ հռչակվել է աշխարհի թիմային առաջնության չեմպիոն, երեք անգամ` բրոնզե մեդալակիր:
Բաժանորդագրվեք մեր ալիքին Telegram-ում